Universal-Sayt.Uz

Ucelldan "Aniq+" va "Omadli+" tariflari yanada qulay bo‘ldi!

abduboqiyev99 — Tue, 10 May 2016 11:34:03 GMT

"Aniq+" va "Omadli+" tariflari abonentlari uchun xushxabar – endi daqiqalar, SMS va megabaytlarning belgilanishi hisob abonent to‘lovi yechilishi uchun yetarli bo‘lgan miqdorga to‘ldirilishi bilanoq amalga oshadi.

Eslatib o‘tamiz, "Aniq+" va "Omadli+" tariflari abonentlari uchun abonent to‘lovi yechilishi va daqiqalar, SMS va megabayt limitlarining belgilanishi har oyning birinchi sanasidan amalga oshadi. Buning uchun hisobingizda shunga yetarli miqdorda mablag‘ bo‘lishi lozim. Agar oyning birinchi sanasida hisobingizda yetarlicha mablag‘ bo‘lmasa, Sizda oyning dastlabki 16 kunida o‘z hisobingizni zarur miqdorga to‘ldirish va va daqiqalar, SMS va megabayt limitlarini to‘liq hajmda olish imkoniyati mavjud bo‘ladi. Qo‘shimchasiga yana bir afzallik – endi, avval bo‘lganidek, abonent to‘lovining yechilishi va limitlarning belgilanishi uchun keyingi kunni kutish shart emas – ular hisob to‘ldirilishi bilanoq belgilanadi.

Tariflarga o‘tish – *877# – $0.

Tariflar haqida qisqacha:

"Omadli+"
Abonent to‘lovi, bir oyga* - $30.00
Oylik limitlar**
Tarmoq ichidagi daqiqalarning oylik limiti - 15 000 daqiqa
Tarmoqdan tashqari daqiqalarning oylik limiti - 3 000 daqiqa
Chiquvchi SMS-xabarlarning oylik limiti - 15 000 xabar
Internet-trafik limiti - 1 500 MB
Limitlar qoldig‘ini tekshirish - *102#, *104#

"Aniq+"
Abonent to‘lovi, bir oyga* - $15.00
Oylik limitlar**
Tarmoq ichidagi daqiqalarning oylik limiti - 1500 daqiqa
Tarmoqdan tashqari daqiqalarning oylik limiti - 0 daqiqa
Chiquvchi SMS-xabarlarning oylik limiti - 1500 xabar
Internet-trafik limiti - 300 MB
Limitlar qoldig‘ini tekshirish - *103#

Ucell. Hayotni yaxshilik sari o‘zgartirib!

"Лестер" хўжайини 30 футболчининг ҳар бирига "Мерседес" совға қилади

abduboqiyev99 — Thu, 05 May 2016 08:37:41 GMT

"Лестер" клуби Англия чемпионатида ғолиб бўлгани учун футболчилар қўшимча мукофот оладилар.

Хабар қилинишича, жамоа хўжайини Вичай Сривадханапрабха жамоадаги 30 футболчининг ҳар бирига "Мерседес" автомобили совға қилади. Ушбу автомобил қиймати 32 670 долларни ташкил этади. Боз устига таиландлик мураббий футболчиларга Лас-Вегасга саёҳат ҳаражатини ҳам беради.

Манба: sports.ru

Android telefoni xotirasini tozalovchi programmalarning zarari

abduboqiyev99 — Tue, 03 May 2016 09:43:29 GMT

Android telefonini xotirasini tozalovchi dasturlar hozirda juda ham ko'payib ketgan. Lekin bularning foyda-zarari haqida bilasizmi?
Batareyani uzoq vaqtga yetkazuvchi dasturlar. Bularning ham foydasi bormi?
Keling shu mavzuga oydinlik kiritamiz.
DU Battery Saver - Ushbu programma batareyangizni tejaydi. Asli batareyani tejash emas, shunchaki ichki xotirani biroz tozalash bilan cheklanadi. Ichki tizimda siz bilmaydigan juda ham ko'p dasturlar doimiy faol bo'ladi. Du battery Saver programmasi aslida batareyangizni quvvatini yeydi. Bu programma yaxshi deb o'ylarsiz. Aslida esa ichi to'la reklamadan iborat.

Clean Master - Ushbu programma esa xotirani tozalab, ichki tezlikni kuchaytiradi. Deb o'ylasangiz adashasiz. Bu programma haqiqatdan ham ichki operativ xotirani tozalab turadi. Lekin o'zining qo'shimcha dastur kengligi esa opertivkani doimiy to'ldirib, qiynab turadi. Hullas ushbu dastur ham foydasiz.

Gapiruvchi telefon hamda Gapiruvchi Batareya - Bularning foydasi umuman yo'q. Lekin telefoningiz ba'zi narsalarni gapirib turishi bu siz uchun qiziq. Agar ushbu programma sizga kerak bo'lmasa, uni o'chirib tashlaganingiz ma'qul.

Clash Of Clans - Ushbu o'yin hozirda juda ko'plab odamlarni o'ziga jalb qilgan. O'yin juda ham ajoyib ishlangan. Onlayn tarzda o'ynaladi. Ushbu o'yin Operativ xotirani katta qismini egallaydi. Telefonning qizishiga olib keladi. Operativ xotirani qiynaydi. O'yin bir vaqtda protsessor, internet hamda ekran ishlashini talab qiladi. Bu esa Batareyangizni tez ishlab ketishiga sabab bo'ladi. O'yinga hali qiziqib ulgurmagan bo'lsangiz ushbu o'yinni ham o'chirib yuborganingiz ma'qul. Chunki ushbu o'yin katta xotirali telefonlarni ham qiynaydi.

Telefoningizda doimiy ishlab turgan programmalarni ko'rishingiz imkoni mavjud. Necha soatdan beri uzluksiz ishlayotgan dasturlarni bilish uchun siz Настройки » Диспетчер приложений » Выполняется bo'limiga kiring. Uzluksiz ishlab turgan dasturlarni ko'rasiz. Necha soat, necha daqiqa ishlab turganini ko'rsatib turadi.
Tepadagi rasmga etibor bering. Sariq rang ichidagi belgilar operativkani egallab turgan hajmi. Qizil rang ichidagi belgilar programmalar qancha vaqtdan beri ishlab turganini bildiruvchi vaqt. Pastdagi yashil rang esa Operativ xotira.
Ushbu Skrinshot Samsung Galaxy S2 telefoniga tegishli.

РФ сенатори: Россия Марказий Осиё мамлакатлари билан виза режими ўрнатиши зарур

abduboqiyev99 — Tue, 03 May 2016 09:21:19 GMT

Россия хавфсизлик кенгаши раиси биринчи ўринбосари Франц Клинцевич бу мамлакатлардан чиққан кишиларнинг РФ ҳудудида амалга оширган қатор жиноий ишларини инобатга олиб, Россия Марказий Осиё мамлакатлари билан виза режимини ўрнатиши зарурлигини билдирди. Бу ҳақида Sputnik хабар берди.

Сенатор Россия фуқаролигига қабул қилиш талаблари қатъийлаштирилиши кераклигини таъкидлади.

"Ҳамма нарсанинг чегараси бор. Сызран шаҳри полиция собиқ бошлиғи ва унинг оиласининг Марказий Осиёдан чиққан кишилар томонидан ваҳшийларча ўлдирилиши - бу ҳаддан ошишлик. Шунингдек, ўзбекистонлик ақли норасо энага аёл томонидан москвалик қизнинг ўлдирилиши барчанинг ёдида", - деди Клинцевич журналистларга.

Унинг сўзларига кўра, Россия ўзи учун нима муҳимроқ эканлигини аниқлаб олиши керак: қўшни мамлакатлар билан дўстона муносабатларми ёки мамлакат фуқароларининг хавфсизлиги.

"Ҳозирча бу иккисини тенг олиб боришнинг иложи йўқ экан, мен виза режими киритилишини қўллаб-қувватлайман ва унинг амалда қарор топиши учун ҳар қанақасига ҳаракат қиламан", - деди парламентарий.

У гап Қозоғистон ва Қирғизистон ҳақида кетмаётганлигини алоҳида таъкидлади, бу давлатлар билан Россиянинг ўзаро иқтисодий муносабатлари бор.

24 апрель куни эрталаб Сызрандаги Ивашевка қишлоғидаги бир уйда олти кишининг жасади топилди. Улардан бири - Сызран полициясининг собиқ бошлиғи Андрей Гошт, қолганлар - унинг оила аъзолари. Ўлимига қадар Гошт Самара вилояти ИИВДБ штаби раҳбар ўринбосари лавозимини эгаллаб келган. Тергов давомида гумон қилинаётган уч нафар шахс қўлга олинди, улар Марказий Осиё республикаларидан бирининг фуқаролари бўлиб чиқди.

Актёр Санъат Девонов 84 ёшида вафот этди

abduboqiyev99 — Thu, 28 Apr 2016 10:00:33 GMT

Kecha, 27 апрель кунининг иккинчи ярмида кино ва театр актёри, Ўзбекистон халқ артисти Санъат Девонов 84 ёшида Хоразмда оламдан ўтди. Бу ҳақда Хоразмдаги "Биз буюк юрт фарзандларимиз" ёшлар фестивалида иштирок этаётган санъаткорлар маълумотига асосланиб, qalampir.uz хабар берган.

Ўзбек театр ва кино санъатида ўчмас из қолдирган актёр Санъат Девонов 1932 йилнинг 9 майида Хоразм вилояти, Ҳонқа туманида таваллуд топган эди.

У ижодий фаолиятини Огаҳий номидаги Хоразм вилоят мусиқали драма театридан бошлаган. Кейинчалик актёр Тошкентга келади ва ҳозирги Ўзбекистон давлат санъат ва маданият институтида ўқийди. Сўнг Ўзбек давлат драма театрида, Абдулла Қаҳҳор номидаги сатира театрида ишлайди.

Санъат Девоновга театр саҳнасида йирик қаҳрамонлар образини гавдалантириш насиб этади. У "Ҳамлет"да Ҳамлетни, "Навоий"да Алишер Навоийни, "Тоҳир ва Зуҳра"да Тоҳир ролини ижро этди.

Санъат Девонов кино оламида ҳам салмоқли ижод қилди.

Ўзбек кинотомошабини уни миллий кинематографиянинг дурдона асарларидан бири "Мафтунингман" фильми орқали яхши танийди.

Унинг кинодаги илк роли "Амирликнинг интиҳоси" фильмидаги Шерали роли эди (1954).

Марҳум актёрнинг фильмографиясида 25та фильм бор. "Улуғбек юлдузи", "Оловли йўллар", "Алпомиш" шулар жумласидан.

Актёр Санъат Девоновнинг меҳнатлари эътиборга олиниб, Ўзбекистонда хизмат кўрсатган артист ҳамда Ўзбекистон халқ артисти унвонлари билан тақдирланган.

"Барселона" ўйинчиси: "Реал"нинг чемпионлар лигасида ғолиб чиқишини истайман"

abduboqiyev99 — Tue, 26 Apr 2016 11:30:42 GMT

"Барселона" яримҳимоячиси Иван Ракитич ЕЧЛ мусобақасида "Реал"га мухлислик қилишини маълум қилди.

Бунинг сабаби - мадридликлар сафида унинг ватандоши Лука Модрични тўп суриши бўлмоқда.

"Чемпионлар лигасида Модричга мухлислик қиламан. Унинг финалга чиқиб, ғолиб бўлишини истайман", - дейди Хорватиялик футболчи.

Shahzoda Muhammedova: “O`lganlarga achinmayman”

abduboqiyev99 — Tue, 26 Apr 2016 11:05:55 GMT

Aktrisa Shahzoda Muhammedova ijtimoiy tarmoqlarda ancha faol. U deyarli har kuni o`z kun tartibi, rejalari va ayni damdagi o`y-xayollaridan muxlislarini xabardor qilib turadi.

Aktrisa bugun Instagram sahifasiga joylagan surat va izoh e`tiborimizni tortdi. Shahzodaning bunday tushkun kayfiyatdagi so`zlarni yozishiga nima turtki bo`lgani esa noma`lum.

Shahzoda Muhammedova shunday deb yozadi:

“Tiriklik —bu baxt, lekin ba`zida bu dunyoda baxtli,omadli,sog`lom bo`lib yashab qolish ,xayot kechirish naqadar murakkab ekanligidan qiynalib, cho`chib......tug`ilganiga afsus qiladi inson............. O`lgan insonlarga hech ham achinmayman.Chunki ular qaysidur manoda bu dunyo tashvishlaridan qutilib ketdi-qo`ydi”.

WhatsApp’da firibgarlikning yangi ko’rinishi aniqlandi

abduboqiyev99 — Tue, 26 Apr 2016 11:02:43 GMT

Eset kompaniyasi WhatsApp messenjerida yangi firibgarlikni aniqladi. Bu — foydalanuvchilarga taklif qilingan videoqo’ng’iroq funksiyasidir.

WhatsApp foydalanuvchilari ushbu funksiyani faollashtirish maqsadida unga kirishadi. �Videoqo’ng’iroqni hoziroq faollashtirish� tugmasi bosilishi bilan foydalanuvchiga messenjerga o’n nafar kishi yoki beshta guruh taklif qilishi, ana shundagina bu funksiya ishlashi haqida xabar keladi. Aslida esa WhatsApp messenjerida videoqo’ng’iroq funksiyasi mavjud emas.

Bu xammasi emas, foydalanuvchi uning ruyxatdan o’tgan ma’lumotlari eskirgani haqida ham xabar oladi. �Hoziroq yangilash� tugmasi bosilishi bilan foydalanuvchi avtomatik ravishda qimmat turadigan SMS-xizmatiga o’tib qoladi. Bu esa hisobdan pul yechilishiga sababchi bo’ladi.

Bolalar uchun eng foydali 5 ta nonushta

abduboqiyev99 — Tue, 26 Apr 2016 11:01:04 GMT

Farzandingizga ertalab qanday yegulik berishni bilmayapsizmi? Maqolada bolalar uchun eng foydali bo‘lgan beshta nonushta hamda ularni tayyorlash usullari haqida bilib olishingiz mumkin.

Nonushtadan avval

Tabiat shunday yaralganki, hech qaysi tirik jonzot uyg‘onganidan so‘ng darhol yemaydi. Uyqudan so‘ng jonivor dastlab yegulik qidirib topishi, so‘ng o‘ljani tanovul qilishi kerak. Bu insonga ham taalluqli, ammo sivilizatsiya sharofati bilan endi tamaddi qilib olish uchun sovitgich oldiga borish kifoya.

Tongni kerishish, gigiyenik protseduralar (yuvinish, dushga tushish), zaryadka bilan boshlagan ma’qul, shundan so‘nggina organizm sizga ochlik haqidagi signalni beradi. Bunday madaniyatga bolalikdan o‘rganish muhim, shunda noto‘g‘ri ovqatlanishning ehtimoliy salbiy oqibatlaridan nari bo‘lasiz.

Shuni yodda tutingki, bolalar to‘la sifatli ovqatga ehtiyoj sezadi. Taomda oqsillar, yog‘lar, yetarli miqdorda uglevodlar, ballast moddalar, vitamin va minerallar bo‘lishi kerak. Bularning barchasi bola ham jismoniy, ham aqliy jihatdan faol o‘sishi va rivojlanishi uchun zarur.

Bolalar uchun sut va sut mahsulotlari juda foydalidir. Sutda sifatli oqsil, shuningdek, qator vitamin va minerallar, xususan, suyak, muskul va asab tizimi salomatligi uchun zarur bo‘lgan kalsiy bor. Shu tariqa, maqolada sutdan tayyorlanadigan nonushtalar haqida gap boradi, ularni siz o‘z farzandlaringizga pishirib berishingiz mumkin.

Bo‘tqa — eng yaxshi nonushta
Gastroenterologlar ba’zan barcha odamlar nonushtaga bo‘tqa yeganida, ular o‘z ishidan ajrab qolgan bo‘lishini aytib, hazillashadi. Bo‘tqalar (ayniqsa, butun donlardan tayyorlangani) sog‘liq uchun juda foydalidir. Qanday bo‘tqani yeyishingizga qarab, o‘z organizmingizni turli-tuman vitamin va mikroelementlar kompleksi bilan boyitasiz.

Bo‘tqa tvorog va mevalar bilan juda yaxshi uyg‘unlashadi. Ayniqsa, bolangiz injiqlik qilsa, taomga turli mevalarni qo‘shishingizmumkin. Shunda nonushta to‘yimliroq va mazaliroq bo‘ladi.

Misol sifatida tvorog va mevalar qo‘shilgan so‘k bo‘tqasini keltirish mumkin. Buning uchun sizga 1 stakan so‘k (pshyonka), 200 g tvorog kerak bo‘ladi, sut esa ta’bga qarab qo‘shiladi (keraklicha darajada suyuq qilish uchun). Shakar va saryog‘ ham ta’bga qarab qo‘shiladi. Taomni har qanday meva bilan boyitish mumkin, masalan, banan yoki qulupnay qo‘shish mumkin.

Sabzavotli omlet
Nonushtaga tuxum juda mos tushadi. Tuxumni sut bilan iylab, omlet pishirishingiz mumkin. Ichiga solinadigan masalliq sifatida sabzavotlardan foydalanish mumkin. Sizga quyidagi retsept bo‘yicha sabzavotli omlet tayyorlashni taklif qilamiz: 2 ta kichik kartoshka, yarimtadan piyoz va bulg‘or qalampiri, 4 ta tuxum, 50 ml sut yoki smetana, o‘simlik yog‘i, ta’bga ko‘ra murch va tuz.

Sabzavotlarni mayda to‘g‘rab, tovada dimlab pishiring. Kartoshkani oldindan qaynatib olish mumkin. Tuxumni mikser yordamida iylang, sut yoki smetana qo‘shib, aralashtirishda davom eting. Shundan so‘ng tovadagi sabzavotlar ustiga tuxumni quying va past olovda pishgunicha qoldiring. Omletga ko‘katlar ham qo‘shish mumkin.

Tvorogli toblama
Tvorogli toblama tayyorlash uchun sizga 350 g tvorog, yarim stakan shakar, 2—3 ta tuxum, yarim stakan olcha va 2 osh qoshiq manniy yormasi kerak bo‘ladi.

Dastlab tuxumni shakar bilan aralashtirib olib, so‘ng tvorog qo‘shamiz va aralashtirishda davom etamiz. Shundan keyin manniy yormasi qo‘shiladi va tayyor aralashma formachalarga solinadi. Formalarning tubiga avvaldan shakarga botirilgan olchalar solingan bo‘lishi kerak. Taomni duxovkada yoki parovarkada ham tayyorlash mumkin. Parovarkada pishirilgani foydaliroq bo‘ladi: unda foydali komponentlar ko‘proq saqlanib qoladi.

Tvorogli yoki pishloqli qiyma solingan quymoq (blin)
Bunday quymoqni tayyorlash uchun 1 stakan sut, 1 stakan un, 2—3 ta tuxum, 1—2 osh qoshiq o‘simlik yog‘i, ta’bga ko‘ra tuz va shakar kerak bo‘ladi. Har bitta quymoqni o‘z xohishingizga qarab kolbasa va sabzavotlar bilan aralashtirilgan pishloq yoki mayiz solingan tvorog bilan to‘ldirishingiz mumkin. Tayyor ruletlarni listga terib, duxovkada 180 daraja issiqlikda pishirib olish kerak.

Sirnik
6 oylikdan so‘ng tvorog bolajonlar uchun taomnomaning eng zaruriy qismiga aylanadi. Tvorogda fosfor, kalsiy va turli-tuman vitaminlar bor. Yuqorida keltirilgan tvorogli toblamadan tashqari, undan sirnik ham tayyorlash mumkin. Uni pishirish qiyin emas, uni har qanday “qayla” — smetana, murabbo, quyultirilgan sut, mevalar bilan birga tortish mumkin.

Sirnik pishirish uchun 1 ta tuxumga 1,5—2 osh qoshiq shakar qo‘shib aralashtiramiz. So‘ng 1,5—2 osh qoshiq un, undan keyin 250 g tvorogni qo‘shib yuboramiz. Massadan kulchalar uzib olamiz, unga belab past olovda ikki tomonini ham pishirib olamiz. Tovadan olgach, ortiqcha yog‘i oqib ketishi uchun qog‘oz salfetka ustiga qo‘yish mumkin.

O‘zbekistonning Rossiyadagi elchisi Bahrom Ashrafxonov Rossiya prezidenti Vladimir Putinga ishonch yorlig‘ini topshirdi. Bu haqda Kreml matb

abduboqiyev99 — Thu, 21 Apr 2016 09:20:17 GMT

Ashrafxonovdan tashqari, jahonning yana 15 mamlakati elchilari Katta Kreml saroyining Aleksandr zalida Rossiya prezidentiga ishonch yorliqlarini topshirdi.

“Putin diplomatlarga Rossiyadagi faoliyati davomida muvaffaqiyatlar tiladi”, — deb yozadi “TASS” agentligi.

Bahrom Ashrafxonov O‘zbekistonning Rossiyadagi elchisi etib tayinlangani 2016-yil fevralida ma’lum bo‘lgan edi. Bungacha u O‘zbekiston moliya vaziri o‘rinbosari sifatida ishlagan.